السلام انا لقيت هدا الموضوع وهو رائئئئئئئئئئئئئع جدا جدا !!!

اذا وقع زوجها على الدروج:
السوريه : ولي على آمتي ، سلامتك حبيبي إن شاء الله أنا ولا إنت ابن عمي . ( ميتة من الخوف عليه )
الليبيه : شنو خير مصيبتك .. طيح سعدك .. دخت ؟ تستـــــــاهل .. ماك تمشي زي الأعمى وما تشوفش في اللي قدامك .

الزوج يعتزم السفر في مهمة عمل :
السوريه : إنتبه لنفسك إبن عمي ، جهزتلك الشنطة ، كتّر خيرك على الأغراض اللي اشتريتها ، بيكفوا سنة ، الله لا يحرمنا من دخلتك علينا ، أولي على آمتي، تروح وترجع بألف سلامة .
الليبية : ( أسبوع خليقتها مبرومه قبل السفر) ، وكل شوية دموع، وأمتى تبي تروّح؟ ومع منو ماشي ؟ وخيرك ماترفعنيش معاك ؟ إحلفلي إنك ما تعفس مكانات فيها بِِنوت ! ما تتأخرش ، ينقصنا شي وانت مسافر ما نلقوش مِنو بينــا. وكل يوم تتصل بالتلفون باش تشوف أنت وين مفرهد؟ وأنا وين حاصلة في الهم اللي خليتني فيه ، وباش نحكيلك عالولد وبنتك اللي امدايرة مافي راسها . ( هوايتها نكد )

عند العودة من السفر :
السورية : ( تذهب للمطار لإستقباله ومعها وردة ) والله إشتأتلّك حبيبي ، كأنك غبت عني 100 عام ، والله الحياة من غيرك مالها طعمة تؤبرني حياتي .
الليبية : (قاعدة في حوش بوها تستنى فيه) ، وأول ما تشوفه تنوض فيه زي المدفع ، مش قلت أمس تبي تروّح خيرك زدت يوم ؟ وجبت الحاجات اللي قلتلك عليهم أنا وأمي وإلا جاي تهز في كتافك .



إذا الزوج تأخر بَرّه فى شغل أو مع صديق:
السورية : شو إبن عمي ! غِلي ألبي عليك تؤبشني يا روحي وكثير شغلتلي بالي، تؤبرني ما تتأخر عليي كثير مرة تانيه عشان بشتائلك أنا ، إن شاء الله إنبسطت ؟
الليبية : شرّفت يا أفندي !! وين كنت لاوي راسك؟ ماهو أنا خدامة في الحوش ، طول نهاري نكنس و نمسح !! وإنت إدّوح مامخلّي مُطراح ، مع منو من أصحابك كنت تنسرف ؟ شنو جبتلنا معاك ؟ وإلا جاي تصفق في يديك !! ، باهي اللي عرفت أن ليك حوش وعيلة وروحت

اذا قاللها (تبي شي؟) وهو طالع :
السورية : تسلملى حبيب ألبي ابن عمى ، مابدي غير سلامتك ، مكفينى من كل شئ مو نأصنى شئ ،
الليبية : لأأأأ (طول شواربها شبرين ومِلْويات لين لونهم أزرق) ... ما نبي شي، وين ماشي؟ إن شاء لله ناوي بتقعد هلبه وبتخلّيني بروحي زي الهجالة ، .. جيب معاك شمالات للولد وإنت جاي واستيكة دحي وكرت لبيانا وحليب وحكتين طن وجبنة وباكو صابون غسالة ومتنساش الوركينا والدقيق . (هذا قالت ما تبي شئ )

الذوق والتنويع فى الاكل:
السورية : سلطات، تبولة، فتوش، محاشى، شوربات، كِبه بأنواعها، محمّر، مشمّر، يعني سفرة عامرة من كلّه، صحتين على ألبك ابن عمي. ( هي ما تاكلش بس مقعزة بحداه)

الليبية : لوعندها كل أنواع الخضراوات، والثلاجة مليانة بكل شئ ، ما تطمعش بأكثر من امبكبكة ، وإذا كنت محظوظ إديرلك معاها سلاطة .
وطبعا ... شواربها شبرين قدامها ، وتبدأ في الشكوى وحطّان المشاكل فوق الطاولة ، وأول ما تبدأ ... اليوم باش ترفعني لحوش بوي ، وإذا حاولت الإعتراض أو الكلام فسيكون الحديث كالتالي: اليوم انكسرت إيد الشيشمة إمتع البانيو ، وبعد ما تكمل غداك برا جيب الراجل يصلحها ،ولدك يبي 120 جني يشري بوتيل زيه زي الصغار. واشريلي باكو شكلاطة على خاطر غدوة ماشية لجارتنا مباركة على خاطر ولدها انجح في الصحيفة اللّولة .



فهل كل المذكور اعلاه صحيح ، لماذا الكفر بالنعمة ، هل فعلا الليبيات على هذا النحو ، اليسن يعملن ما بوسعهن ،اليس للرجال يد في ذلك ، بالعموم نسأل الله الهداية لنا ولاخواتنا ولازواجنا